«НУ түсу үшін емтихан тапсырғанымда, ағылшын тілімнің деңгейі қазіргімен салыстырғанда айтарлықтай төмен болған. Алайда осыған қарамастан, алға қойған мақсат, төккен тер мен жақындарымның қолдауының арқасында қысқа уақыт ішінде өзім қалаған университетке оқуға түсе алдым»

«The University of Arizona әлемдік деңгейдегі білім орны болғандықтан таңдадым. Аризона Университеті әлемнің үздік жүздігіне кіреді және өз студенттеріне ең үздік бағдарламаларды ұсынады. Оқу жылындағы жетістігім үшін 15 000$ доллар көлемінде шәкіртақы алдым»

«Мен өз прогресіңді әрдайым тексеріп отыруға кеңес беремін. Мәселен, математикадан белгілі бір көлемдегі есептерді шешіп, күн сайын оның деңгейін қиындатып отырыңыз. Бұл математикадағы мәселелерді шешуге көмектеседі, оған қоса оны өзіңе деген сенімділікті арттыру үшін жақсы құрал деп айтуға болады. Қазіргі таңда биылғы оқу жылын жақсы бағамен аяқтап, компьютерлік ғылымдар саласында бакалавр дәрежесін алуды жоспарлап отырмын. Бакалавр дәрежесін алғаннан кейін, әлемнің жетекші университеттерінің біріне магистратураға түсу жоспарда бар».